2022-06-20
睇戲著數|嘉禾院線10間戲院星期一票價激減!戲飛最平$30!IMAX都有平?$1網上入會享全年購票優惠
召喚一眾戲迷!為慶祝嘉禾院線旗下嘉禾MegaBox開業一周年,嘉禾院線旗下10間戲院將於今日起調整星期一票價,最平戲飛低至$30!即睇以下詳情,mark實時間去睇戲,踢走Blue Monday啦!
(圖片來源:嘉禾院線)
票價$30起!IMAX票價低至$80!
由即日起,嘉禾院線旗下10間戲院(包括海運戲院、嘉禾黃埔、嘉禾大埔、嘉禾粉嶺、嘉禾啟德、嘉禾V WALK、嘉禾銀河廣場、嘉禾MegaBox、the sky (奧海城)、StagE (屯門市廣場)將調整全新星期一票價,逢星期一下午1時前2D場次成人、學生、小童票價只需$30;而下午1時或之後2D場次戲票亦只售HK$40,分分鐘平過一份午餐!
除了普通2D電影,星期一IMAX場次票價亦調整至$80,而嘉禾Megabox以及the sky的Vivo尊尚影院票價則調整至$90和$100,好吸引!
同場加推:$1網上入會
除此之外,嘉禾院線更加碼推出$1網上入會及續會優惠!凡透過嘉禾院線網頁或手機應用程式登記成為GH Moviegoer會員或有效現有會員續會,只需$1即可入會(原價$50),會員可享全年正價戲票9折優惠、積分獎賞、小食部消費折扣及生日月份獎賞等,超抵!
詳情/查詢:嘉禾院線
Read More: 睇戲著數|6大戲院優惠合集!百老匯推半價戲飛、Cinema City戲飛低至$38!邊間戲飛買一送一?邊間有$1小食?
《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。
《說說心理話》運動員強大心理質素如何煉成?張小倫分享最挫敗經歷,及後怎樣重整旗鼓?► 即睇