超強寒流襲港，帶來罕見的嚴寒冬日，不少市民紛紛把握黃金機會，趁著假期登山圍觀難得的結冰、結霜景象。大帽山出現道路冰封，圍困賞霜的市民，飛鵝山也出現路面結霜狀況，超過130名市民被困山上。

 

　　為安全計，警方中午開始封鎖大帽山道，禁止市民上山。而下午5時許，一對男女企圖上山，遭警員阻止，當中身穿粉紅色套裝的女子非常不滿，更取出手機對著警員，並大喝：「點解要限制人嘅自由？」「我地有危險，我哋會自己負責過囉！條命係我自己架嘛！」「救人係你嘅職責！係你嘅職責！唔係我哋嘅職責！我嘅職責係保護好我自己。你勸我唔好（上山），咁我係要上去，你要點呢？」

 

　　雙方一度發生激烈爭執，警員：「你哋唔好再上去啦！唔該你啦！落返去啦！」「咪話唔俾你過去！」「山上有危險呀嘛！」「我再講多次，條路已經封鎖！」

 

　　警員解釋指因為山上危險，勸籲兩人離去，惟該女子仍不罷休，警員雖多番解釋大帽山道已封鎖， 她仍堅持要上山，還指警員「唔好咁nonsense（廢話）啦！」最後警員向她發出警告，表示若越過封鎖線，有機會被拘捕，她聞言後未有再進一步行動。

 

　　離開期間，該對男女見有消防員不慎跣倒，竟然大聲取笑。　

 

　　《蘋果日報》記者將過程拍下， 新聞影片瞬間於網絡瘋傳，網友紛紛指摘該名硬要上山的女子為「惡港女」並將該對男女極速起底。

 

　　網友一面倒指責影片中的女子不顧自身安全，不理警方勸阻，堅持上山並不斷作出指罵行為。網友Vivian Kwok 慨嘆「其實做人可唔可以唔好咁自私？天氣咁凍，警察同消防都係打份工，你地班人不停上山，封咗都係要上。係，條命係你既，但係有咩事，人地就要risk自己條命去救你。」網友Pat Kong 反問女子「你條命值錢，消防員警察條命唔值錢嗎？消防哥哥都有家人，佢地家人都好擔心，都唔想因為要救你地而出事！」

 

　　網友從影片中看到男女的衣著並非安全的行山裝備，直斥他們只會增加救援人員負擔。網友德寶表示「有危險叫你唔好上，仲同人拗，著條短褲加legging 學人行山，自我反省下，做咗咁多年人，對與錯都分唔到。」網友Wong Mei Fan 指「個女的著牛仔短褲上山都知佢裝備唔充足啦！未出事未大大聲，又唔諗下如果真係出事，消防要帶幾多野行幾多路去救你個自私鬼！」

 

　　網友Mavis Ho 指責女子的「限制自由」言論，「當你行駛自由權既同時影響同人地既人生安全，呢d唔係叫自由，係叫自私！」網友ZAMORA直斥女子「 一時話條命自己負責，一時又話消防員救人係職責，咁你以身犯（無謂嘅）險時又要人去救你，簡直不知所謂....」

 

　　網友Wing Cheong Law 引用美國一名人在超級巨風來襲時的說話：「你哋有權選擇在這危險時候去衝浪，但救援人員無權選擇唔去救妳！」

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【香港好去處】etnet全新頻道盛大推出！全港最齊盛事活動資訊盡在掌握！► 即睇