零秒出腳 加時絕殺

　　加時、又加時，點解世界盃16強場場都加時！我連續捱夜睇波時已經好眼瞓了，但如果瞓咗，一陣又有絕殺睇，我錯過咗咁點算呀？呢段說話就係16強開始後，我每晚都要對自己講嘅，相信大家都有同感。

趁呢兩日休息，要出街放鬆下緊張睇波心情！

　　以往睇NBA籃球比賽，時常出現加時，球員於零秒出手，最終「絕殺」反勝。但今屆世界盃16強真係好刺激，好多場比賽都出現臨完場前入波「絕殺」，荷蘭、阿根廷等都是藉此取得最終勝利。

　　我亦同情出局的隊伍，好似墨西哥咁，對荷蘭全場都是佔優一方，偏偏去到最後5分鐘反勝為負，之前一切的努力就只可以換得球迷的掌聲。於他們身上，我學會了「只差一點點」。

　　今屆進入8強的球隊都是小組第一，每隊的實力就更加接近，我估接下來有加時的比賽都會唔少。不過有咁精采嘅比賽睇，我對黑眼圈再大都值得啦！

轉載自晴報

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

【你點睇？】皇馬巴塞傳奇表演賽爆簽名會風波，26人買涉$20萬套票僅見部份球星15分鐘，你認為事件哪方須負較大責任？► 立即投票