古惑的機票格價網　邊個呃得你最透?

　　櫻花季又嚟啦！大家有冇好似Jenny咁搶定啲平機票去旅行先？而家有咁多格價網站，揀都揀到眼花撩亂！有時都唔知所謂「最平」係咪真係最平，嗱！Jenny就知道有咩辦法可以幫大家格下格價網站嘅價喇！

 

 

講就講「最抵」實情係好貴

 

　　話說，消委會今日發表新調查，比較6個格價網站「Skyscanner」、「KAYAK」、「Cheapflights」、「momondo」、「DuckDuckLook」同埋「Google Flights」。間間都話係最抵，唔通間間都係咁抵咩！消委會就發現唔同網站個差價可以高達差唔多一倍！作為消費者精明眼，Jenny都覺得大家要留意下喇！

 

　　消委會以今年8月來往香港與新加坡為搜尋條件，發現6個網站列出嘅「最便宜」機票均來自同一航班，但係就分別出現5個不同價錢，當中2個為$1320；其餘分別係$1,37、$1262、$1205同埋$920，最高同最低票價相差Over 45%！而搜尋今年7月份香港來往韓國濟州同時段機票，就發現「Google Flights」標示最抵價機票係$4102，比起最低價嘅「skyscanner」所標示嘅$2081貴成倍！

 

Google大神唔係萬能  Skyscanner Win !

 

　　講返個總成績先，消委會就話，喺6個網站入面表現最好嘅係「skyscanner」，有超過三成實試嘅票價均擠身「最低」之列，所以整體評分有3.5分；至於最低分竟然係大家成日求救嘅Google大神噃！原來Google轄下嘅「Google Flights」喺近半實試中嘅最低價都比其他網站高，而且提供嘅票價仲同購票網站入面嘅「真實售價」不相符情況係最嚴重，次數比例有成41.5%，結果整體評分得2分咋！睇嚟Google大神都唔係萬能㗎！

 

 

 

 

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

樂本健【年度感謝祭】維柏健及natural Factors全線2件7折► 了解詳情