DIY簡易「芝麻手撕雞」！麻醬香、青瓜爽脆、雞肉嫩滑多汁，作開胃涼拌最正！

　　每日都要想今晚煮甚麼餸菜叫人苦惱，所以我在數餐之中都總會有一兩道菜以「雞」來做主角，來來去去都是白切雞、沙薑雞、鹽焗雞翼等等，而兒子不愛吃蒸雞，所以唯有少做「蒸雞」這道菜式。我偶爾都會在街市凍肉店買2-3隻急凍雞髀，用來煮鹵水或咖喱雞，超方便！今次我就教大家用急凍雞髀來做一道簡易的芝麻手撕雞，配上爽口的青瓜，十分清新可口，今個夏天又多一個菜式選擇！

 

芝麻手撕雞

 

 

烹煮時間︰30分鐘

分量︰2人

 

材料︰

 

 

急凍雞髀  　　　2隻

青瓜            1條

芝麻            適量

 

醃料︰

沙薑粉        2茶匙

鹽            1/2 茶匙

紹興酒        1茶匙

 

醬汁：

胡麻醬       2湯匙

日式生抽     2 茶匙

麻油         1 茶匙

 

做法︰

 

　　1. 急凍雞髀解凍，沖洗抹乾，加入醃料醃5-6小時或一晚。

 

 

　　2. 燒熱一鍋熱水，加入雞髀大火蒸20分鐘至熟，放涼。

 

 

　　3. 青瓜去皮，沖洗，切絲，備用。

 

 

　　4. 醬汁拌勻，備用。

 

 

　　5. 雞髀放涼，用手拆成絲。

 

 

　　6. 青瓜條放碟底，雞絲鋪在青瓜上，淋上醬汁及灑上芝麻，即成。

 

 

小貼士︰

　　如不想用沙薑粉，可以改用鹽焗雞粉醃雞髀都一樣入味。

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

《說說心理話》身體唔舒服查唔到原因？周身痠痛疲累？可能係患有心身症！點解原生家庭會長時間影響一個人？點樣脫離循環？► 即睇