【擇業錦囊】科學家、會計師、護士，到底我適合打咩工？讓九型人格告訴你（下）

 

曾志偉

 

【第七型】（享樂主義者）

 

　　代表人物：吳君如、曾志偉、何鴻燊、成龍

 

　　人格特質：熱情洋溢、有幽默感，才藝廣泛，能用快樂感染身邊的人。但有時候會因為對自己太好，而流於物質主義。

 

　　適合的職場：七型人貪玩、有好奇心，而且擁有廣闊嘅人際關係網絡，所以從事娛樂事業、旅遊及酒店業、公關行業等都好吃得開。

 

李小龍

 

【第八型】（保護者）

 

　　代表人物：李小龍、毛澤東、李光耀

 

　　人格特質：勇敢、自信、果斷，有天生嘅領袖魅力。追求權力，想控制全局，但有時會過於激進衝動，好容易同人產生敵對。

 

　　適合的職場：鍾意自己當家作主，做事有自己嘅一套原則，而且勇於接受挑戰，面對困難時亦從來唔會退縮，特別適合喺風險高，或不斷受到衝擊嘅環境中工作。例如法律界、建築工程、地產銷售或紀律部隊。同時佢哋亦好有潛質做創業者。

 

古巨基

 

【第九型】（和平主義者）

 

　　代表人物：周恩來、甘地、馬英九、鄭伊健、古巨基

 

　　人格特質：謙卑、有耐心、脾氣好，情緒穩定溫和，唔鍾意起衝突；但有時候會為咗成全其他人而收埋自己，顯得過份被動。

 

　　適合的職場：九型人為人親切，唔會直接發脾氣，對人嘅需求十分敏感，好輕易了解別人，所以特別勝任調解員、諮詢師、護士、服務人員等崗位。

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

第九屆「傳媒轉型大獎」請投etnet經濟通一票！► 立即行動

• 1
• 2