2024-03-01Text: 娛樂組
港姐蘇可欣8年苦無發揮宣布離開TVB!重操故業再做空姐:冇唔捨得啦
無線藝員離巢潮一浪接一浪,女演員蘇可欣早前參與劇集《飛常日誌》拍攝,再次「重操」故業,在劇中飾演空中服務員。入行前曾經做空姐的她更在花絮片中,大爆自己飛行和在機艙服務明星的經驗,相當有趣。當時,蘇可欣都透露自己合約差不多滿,不排除會再做空姐,沒想到事隔1個月她就宣布正式離巢TVB。
蘇可欣在IG分享一張草地野菊花的照片,並撰長文留言如下:
「呢個世界好大 我想去望下」
當初離開香港航空嘅時候,有同事問我值得嗎?
一轉眼將近八年時間,喺TVB既日子令我見識很多,學懂很多,係時候翻開新嘅篇章向前走。
我一直深信我是幸運的。
誤打誤撞走上了當主播司儀嘅路,我好感激娛樂新聞台帶比我嘅一切,係呢個温室嘅時間,快樂時刻佔絕大多數。
我會懷念跟你們在大房的歡樂時光。
多謝我經理人雲妮,
湊左我八年時間,我知道非常唔容易。因為我絕對講唔上係一個聽話嘅女仔,比起話好 我更加多時間都講緊唔好,咁多年嚟辛苦你了。
對於我嘅所有,佢比我更加上心。佢成日同我講「我希望你上台好好睇睇」,所以無論大大小小嘅活動,佢都會替我安排很多。
私下嘅我其實唔擅長同人溝通,呢個時候佢總會陪伴我左右代我說話,當然有時佢都會做幕後推手令我防不勝防,但係我都會由心底去感激你,咁多年高高低低感恩有你陪伴。
多謝一眾台前幕後嘅同事,一齊共事嘅時光會長留我腦海之中。
最後,
世界好大,我仍然想再去望下。
我哋換個地方再見
蘇可欣2016年以空中服務員身分參與《2016年度香港小姐競選》獲得20強成績,隨後簽約成為TVB旗下藝員,先獲安排在TVB無線娛樂新聞台擔任外景記者的工作,主力採訪娛樂活動,不過蘇可欣幕前的產量不多,大多數參與綜藝節目。蘇可欣的感情生活最受到關注,曾經採訪泰國演員Nonkul而被傳出和該演員交往,維持1年半後分手,目前與有米圈外男友Geo交往。
蘇可欣接受本網電話訪問,問到是否真的如她所言再做空姐?她表示:「我係再做空姐。但係我唔方便透露邊間公司呀!(有冇唔捨得?)我覺得我喺TVB嘅時間都好圓滿,冇唔捨得啦!」
轉載自: 晴報
【你點睇】當局擬放寬九龍東商業區土地用途,有議員認為應推廣至全港都開放些少,你是否認同?► 立即投票