2023-11-09Text: 娛樂組
叠影狙擊丨周秀娜泳池開工包到冚!黃宗澤大感失望:以為被女圍,原來被追殺!
由黃宗澤(Bosco)、周秀娜主演的無線台慶劇《叠影狙擊》,已在周一首播。拍攝時,正值疫情,劇組選址在酒店取景,取代新加坡的情節。在拍攝一場泳池戲時,Bosco深感期待,本想欣賞娜姐水著的性感打扮,可惜最後失望而回。
無線台慶劇《叠影狙擊》現正熱播。(大會提供)
有娜姐演出。(周秀娜IG)
Bosco笑指拍攝這場戲份,真的滿是幻想,他笑說:「本來以為喺酒店泳池旁拍攝,會被三點式美女圍住,點知原來被追殺,演槍戰戲要周圍跑!劇情指呢度係新加坡,但疫情我哋留咗喺香港嘅酒店拍攝,所以我喺戲中作為遊客,特警嘅事就唔使我做,好舒服,只係負責監視,辛苦晒娜姐同壞人搏鬥。應該由娜姐三點式上陣做卧底,我諗觀眾都想睇,點知佢今日裝備十足,包到冚!淨係見到對眼睛,留番下一次,大家期待吓啦!」
回想另一場面與娜姐在中環拍攝槍戰戲,穿梭鬧市取景,人多車多,非常難忘,Bosco說:「嘩!好大陣仗呀,封咗條街,牽涉嘅人又多車又多,又要跑又要開槍,仲要落雨,台前幕後合作趕拍完成。唯一可惜,冇時間畀娜姐shopping!」二人特別多對手戲,因為Bosco與「兩位」周秀娜合作,他說:「我演香港嘅高級督察,為咗查案飛到去新加坡,發現更多黑幕。突然女朋友無端端死咗,一直唔知死因,要好後嘅劇情我先知道真相。期間遇到娜姐,佢係死咗嘅女朋友嘅孖生姐妹…劇情發展撲朔迷離,我哋去調查,揭開真相。」
轉載自: 晴報
《說說心理話》【驚恐症來襲】無預警發作...患者親身講述得病經歷及康復過程!必要時自己做一件事可幫到手!► 即睇