2023-06-19
首任演唱會監製握話事權 鄭中基巡唱為與移民港人相聚
【晴報專訊】鄭中基(Ronald)繼2021年在中環海濱活動空間,舉行了首個香港自駕演唱會後,今年再次出動舉辦《Fragments of Wonder》世界巡迴演唱會,將到美加、新加坡、馬來西亞和澳門等地開騷,壓軸尾場在香港紅館舉行。Ronald今次包辦演唱會主辦方及監製一職,一腳踢但可以自己話晒事。
Ronald指過往經驗所得,愈唱狀態愈好,故安排香港為巡唱尾站。
巡唱首站在澳門倫敦人開鑼。
鄭中基坦言過往的演唱會,自己的構思總是未能一一呈現,「我想由個唱嘅概念、rundown、舞台設計以至海報都係一致嘅,例如你喺海報上見到嘅嘢,我都想喺舞台上、歌曲上展現出嚟,但通常都被監製推翻咗。」為了配合《Fragments of Wonder》主題,歌單中有多首非派台歌,或歌迷耳熟能詳的作品,希望能帶給觀眾驚喜。
四年前的紅館騷上,父親鄭東漢彈結他伴奏,Ronald與女兒Emma合唱。(資料圖片)
12歲大女要求上台表演
Ronald透露個唱主題靈感源自疫情爆發,有感身邊很多人在生活上有很大變化,但無論環境有多惡劣,大家都能找到快樂的碎片,更發現香港人擁有強大的適應力,因而成為了今次演唱會的概念。「呢幾年有朋友轉行、失業,有啲朋友移民,去到一個新地方展開新生活,開頭嘅時候應該好艱難,但見佢哋講嘅嘢都好正能量,會搵到啲新衝擊,去令自己可以繼續行落去;例如佢哋喺新環境生活,會話嗰邊天氣好好,連鼻敏感都無埋;呢啲能量成為演唱會主題嘅『碎片』。」
《機動兵工廠》首集請來《正義迴廊》男主角楊偉倫擔任嘉賓。(FB圖片)
同樣地,Ronald的工作模式也在改變,有很多新嘗試,近年成立「機動娛樂」製作節目,同時經營YouTube頻道「機動電視台RTV」。面對生活上的劇變,Ronald有感世事難料,最珍惜與家人的相處時間;年紀愈大,愈了解長輩們的思想,「不過老竇(鄭東漢)唔鍾意講出嚟,反而同啲孫傾偈,啲孫話乜佢就會做乜。」2019年紅館騷尾場安排三代同台,今次12歲的大女鄭梓喬(Emma)亦主動提出上台表演,Ronald表示︰「囡囡有問可唔可以上台唱歌,其實rundown就無排到,我依家要再度下。」
「暖男爸爸」之名並非浪得虛名,Ronald希望藉t著巡迴演出,跟已移民的香港人見面,「我諗法實際啲,佢哋剛剛開始新生活,可能會節儉啲,未必會花錢睇騷。如果傾到贊助,咁就搞慈善騷啦!又或者好似上次演唱會咁,我就撥出部分門票,畀低收入家庭嚟睇show。」
Ronald十分珍惜與家人相處時刻。(IG圖片)
轉載自: 晴報
【你點睇】工聯會調查指外勞輸入政策影響漸現,多個行業失業比例較高,促暫停輸入外勞,你是否認同?► 立即投票