2023-06-14
新歌MV扮驅魔人 盧瀚霆大膽着穿窿褲
【晴報專訊】盧瀚霆(Anson Lo)推出全新跳唱歌曲《Nah》,他以新歌提醒自己要學懂放鬆,「有時我好想隱藏自己驚恐嘅一面,盡量表現體面嘅形象,變相個人愈嚟愈繃緊,所以想提醒自己,接受同擁抱自己軟弱嘅一面。」他在MV中扮演驚鬼的驅魔人,並在酷熱天氣下於廢墟拍攝,相當辛苦,「四年嚟,未試過未拍跳舞已經由頭到腳,甚至內衣褲都濕晒,但最擔心係瘦咗。本身條皮褲唔使用皮帶,但拍咗三小時後要用皮帶,因為條腰幼咗,愈拍愈瘦。」至於另一個紅色上衣造型,是他今次最愛,「呢個look成條褲穿窿,比較大膽呢!」此外,有份參與去年MIRROR演唱會的舞蹈員Tank Leung(梁德忠)、Beep及Saiter,亦有演出MV,當中Tank飾演魔鬼,演出搶鏡。
Anson Lo以穿窿褲上陣,笑言難得打扮大膽。
另外,P1X3L成員吳啟洋(Phoebus)亦推出首支跳唱作品《BAD》,更第一次嘗試填rap詞。Phoebus開心說︰「自己一直鍾意跳唱,想做一位跳唱歌手,今次終於擁有第一支個人跳唱歌,非常興奮!歌詞有好多細節,例如偶包、Pixel等字眼,除咗自嘲,意思恰到好處。」
Phoebus以新歌提醒自己善良之餘,偶然亦要反叛一下。
Anson Lo獲Tank參與拍攝MV。
轉載自: 晴報
《說說心理話》【驚恐症來襲】無預警發作...患者親身講述得病經歷及康復過程!必要時自己做一件事可幫到手!► 即睇