2023-05-12
自覺不似可愛樹熊 陳卓賢︰我係剛強男子漢
【晴報專訊】MIRROR成員陳卓賢(Ian)早前推出新歌《抱抱無尾熊》,向來被Hellosss(Ian粉絲)認為似足樹熊般可愛的Ian,日前接受電台訪問時,竟不想承認自己似樹熊︰「起碼都做北極熊啦,大隻啲!」
Ian的天然呆及可愛舉動似足樹熊。 (資料圖片)
陳卓賢日前接受商台節目《廣東歌關注組》訪問,宣傳新歌《抱抱無尾熊》。提到花名「樹熊」的由來,Ian解釋︰「講番係五年前參加《全民造星》,嗰時仲打緊波,生活好有規律,每日瞓十個鐘。但因為體力消耗大,加上《造星》又成日拍通宵,有時會坐喺度放空,點知大家就將塊樹葉key落去,哈哈!我一直無承認過自己似樹熊,話晒都係剛強男子漢,起碼都做北極熊啦,大隻啲,皮膚又白淨啲。」
Ian特地彎身與主持阿酸合照,甚有風度。(IG圖片)
不過,Ian應主持阿酸要求扮樹熊叫,問他為何肯用新歌自認是可愛樹熊?他笑言新歌談到樹熊和樹之間不可分割的關係,就等於他與Hellosss的相處,「我本身性格封閉,內斂又慢熱,同屋企人相處都唔出聲,有心事唔會講,同埋屋企長幼有序,所以一直以嚟都收埋自己,直到呢幾年支持我嘅人,用無私嘅愛拉近咗我哋。」
與家人拉近距離
談到與家人的相處,Ian自言踏入社會工作後,與家人的距離拉近了。「我係屋企最細嗰個,同最細嘅阿哥都相差六年,所以由細到大我好似獨子咁,踏足社會後大家話題多咗。依家我會每個月甚至每個禮拜返屋企食飯,雖然一家人坐埋一齊都係唔講嘢,爸爸媽媽教『食不言寢不語』,所以食飯時都係好靜。」
轉載自: 晴報
《說說心理話》【驚恐症來襲】無預警發作...患者親身講述得病經歷及康復過程!必要時自己做一件事可幫到手!► 即睇