2023-04-27
投資7位數開餐廳 楊樂文 何啟華 王智德考驗友情
【晴報專訊】男團MIRROR成員楊樂文(Lokman)及王智德(Alton),聯同ERROR成員何啟華(Dee)及圈外友人開設的泰式餐廳昨日開張,三子揚言將會免費招待好兄弟,朋友幫襯則有折扣,笑言各方好友到訪,正是考驗友情的時候。
(左起)Lokman、阿Dee及Alton榮升餐廳老闆,希望半年內回本。
楊樂文、王智德、何啟華聯同圈外友人投資共七位數字,於旺角開設泰式餐廳,昨日正式開張。榮升老闆的三子以三色西裝look現身,更將「招牌海南雞」製成粗金鏈戴上身,相當搶鏡。問他們希望何時回本?三子說︰「希望『坐一望半』,最快半年內可以歸本,梗係想開分店,最好每區都開一間!」
三人獲粉絲撑場,場面熱鬧。
談到召喚好兄弟及朋友幫襯,他們即搞笑說︰「如果係兄弟唔收錢,朋友就有折,但要嚟到先知究竟係朋友定兄弟!其實如果係真朋友,就會畀錢我哋,呢個係考驗友情嘅時候嘞!」問到將來想發展甚麼生意?Lokman說︰「我想開甜品店同Cafe,不過真係要慢慢嚟,做甜品要自己試過先得。」他們笑言一有時間便會在餐廳「打躉」。
支持隊友單飛開騷
此外,有傳MIRROR成員姜濤、盧瀚霆、呂爵安和柳應廷將於暑假開個人演唱會,Lokman說︰「開演唱會梗係好啦,大家等咗咁耐。」去年MIRROR取消個唱後,門票退款期限將於今年9月14日結束,有指有關方面先安排四子開騷,好讓鏡粉有多一個換飛選擇,Lokman說︰「我覺得換飛係好,大家知我哋演唱會飛難買,退票又補唔番黃牛價錢,換飛最實際。但我又覺得買12個人嘅飛,換一個人嘅飛就唔抵,等遲啲再開演唱會,先換番12個人。(12子短期內會否復辦個唱?)要啲時間籌備,我覺得係會有嘅,幫大家祈禱,喺退飛前嘅日子搞得掂。」Alton則謂︰「唔好聽太多盲目揣測,隊友開騷係畀市場多個選擇,除咗MIRROR,仲有好多好歌手開騷。」另外,有指無綫製作《中年好聲音》特別節目對撼Chill Club頒獎禮,他們說︰「有競爭有進步,邊個單位都好,慶功記得嚟我哋餐廳!」
盛傳姜濤將在八月於亞博開個人演唱會。(IG圖片)
轉載自: 晴報
《說說心理話》【驚恐症來襲】無預警發作...患者親身講述得病經歷及康復過程!必要時自己做一件事可幫到手!► 即睇