2023-01-09
陳凱琳陀第三胎最辛苦 鄭嘉穎貼心按摩未「收爐」
【晴報專訊】鄭嘉穎昨日到將軍澳出席旅遊品牌活動,獲大會送上大量玩具給兒子。提到正在陀第三胎的陳凱琳(Grace),嘉穎透露太太今胎陀得最辛苦,雙腳水腫及抽筋,他會為太太按摩,希望Grace做一個開心孕婦。被問到今胎後是否「收爐」?嘉穎就表示順其自然,不抗拒組織大家庭。
嘉穎昨日獲大會送贈多件玩具給予兩名兒子。
即將再為人父的鄭嘉穎,昨日出席活動時談及近年把事業重心轉移返港,他直言短期內不會北上開工,因為不捨離開家人太久。「除非個角色好吸引,如果我唔接嘅話,一世都無機會拍到嘅咪考慮下囉。」他又自爆曾北上拍劇,與兒子分隔太久而令父子感情變生疏,「試過返內地稍為長少少時間,返到嚟兩個仔唔係好睬我,我當時個心好似碎咗一樣。就算之前喺香港拍《星空下的仁醫》,收工返到屋企,佢哋又瞓咗覺,相處時間唔多。」他不諱言現時把家庭放首位,不想錯過兒子的成長階段。
勸馬國明有仔趁嫩生
此外,嘉穎又透露陳凱琳陀今胎比之前兩胎辛苦,雙腳經常出現水腫及抽筋,令他大表心痛︰「水腫到連腳眼都睇唔到,佢梗係會唔開心,平時氹佢開心就一定要㗎啦,依家我會幫佢按摩。(太太陀得辛苦,你係咪會「收爐」?)其實我一直都係順其自然嘅,順着走囉。」似乎不抗拒四度當爸。另外,提到好兄弟馬國明宣布向湯洛雯求婚成功,嘉穎笑言對方快「入五」,應該結婚生子,「我有同佢講有仔趁嫩生,始終我哋嘅戰鬥力下降,小朋友嘅戰鬥力就不斷提升。(《鐵馬尋橋》弟妹只剩唐詩詠單身?)佢自有打算,遇到啱先結,唔好為結而結。」
嘉穎與Grace湊仔不假手於人,即將成為五口之家。(資料圖片)
轉載自: 晴報
《說說心理話》運動員強大心理質素如何煉成?張小倫分享最挫敗經歷,及後怎樣重整旗鼓?► 即睇