2022-08-24
周嘉洛被拍進出香閨 陳瀅落閘拒畀機會
【晴報專訊】陳瀅及周嘉洛因拍攝劇集《痞子殿下》而傳出緋聞,雖然兩人已多次否認,但最近嘉洛被拍到進出陳瀅香閨,令緋聞甚囂塵上。陳瀅昨日出席活動時,例牌否認緋聞,並解釋當日朱敏瀚及王灝兒(JW)亦有同行,強調與嘉洛無可能。
陳瀅表明現時單身。
陳瀅與周嘉洛多次傳出緋聞,加上嘉洛近日被拍到訪陳瀅香閨,緋聞再度升溫。陳瀅昨午到西九文化區出席時裝活動,她似乎有備而來,即時否認緋聞,並稱︰「最近我哋套劇(《痞子殿下》)播出,宣傳期間成日見面好平常,我同嘉洛只係普通朋友。」
(左起)朱仔、JW、嘉洛及陳瀅因拍劇而成為好友。(資料圖片)
至於為何嘉洛會到訪香閨?陳瀅說︰「其實自從拍《痞》劇後,朱仔(朱敏瀚)、JW(王灝兒)、嘉洛同我成日四人行,少一個嘅約會都考慮改期,所以絕對唔會兩個人單獨約會,我哋光明正大嘅,一定無閃閃縮縮。」陳瀅表示四人最近不時相約拍片,又呼籲大家留意︰「條片過兩日會播,內容係講我哋玩Truth Or Dare(真心話大冒險),問啲問題好尖銳,唔答要罰飲酒,有時大家覺得對方答得唔好又要飲,我都飲醉咗。」
爆嘉洛多選擇
陳瀅與嘉洛平時亦不避嫌,不時在社交網互動。(IG截圖)
陳瀅指看到有關報道後,沒有特別跟嘉洛溝通,認為不需要多作解釋。陳瀅和嘉洛經常傳緋聞,問陳瀅會否擔心嚇怕追求者?陳瀅笑謂︰「唔緊要啦,(追求者)都走晒,無乜所謂。(不如叫嘉洛追你?)點解要佢追我?佢有其他女仔啦,佢咁多選擇,我未必係佢杯茶!(落閘唔畀機會佢?)有啲嘢講清楚好啲嘅。」她直言現時沒有時間與異性單獨見面,對上一次與異性單獨相處,亦只是跟導演一起吃飯。
轉載自: 晴報
【你點睇】有健身中心宣布全線暫時結業,議員指巨額預繳式長約並不合理,你日後若「入會」會更留意邊方面?► 立即投票