2022-06-23
林作求驗陳凱琳細佬DNA 鄭嘉穎懶理︰咁無聊唔回應
【晴報專訊】陳凱琳(Grace)的龍鳳胎弟弟Derek日前被擺上枱,林作以公義為名揚言出100萬元,要求陳爸爸與Derek驗DNA證父子關係。昨日林作更公開指Grace家姐Joyce嫌他出手低,鬧劇沒完沒了。昨晚Grace老公鄭嘉穎現身新戲首映,霸氣回應︰「佢(林作)目的係點大家好清楚,咁無聊嘅嘢,唔回應係最好嘅回應。」拒絕助長抽水行為。
陳凱琳細佬Derek因膚色輪廓似混血兒,被指跟父母外貌完全不像;陳媽媽曾解釋因家族有馬來西亞血統兼擁有亞裔容貌,而Derek喜歡戶外活動,加上在加拿大成長,當地食物有較多荷爾蒙所致。Derek日前分享父子溫馨合照,惹來林作在FB公然向Derek挑機:「你一條毛畀我,同埋你老豆一條毛。如果DNA比照證實你哋係父子,我畀100萬你。」昨日他再上載Grace家姐Joyce的私人FB截圖,指Joyce嫌100萬太少;他更揚言會找林媽媽「科水」,加碼要求Derek及陳爸爸驗DNA。
Derek上載父子溫馨合照卻變網上熱話,認真無辜。(IG圖片)
林作要求陳氏父子證血緣關係。(資料圖片)
Grace姊弟開心慶生
Grace與嘉穎與以紅色情侶裝開派對,壽星女笑到見牙唔見眼。(IG截圖)
鄭嘉穎透露今晚與太太撐枱腳食飯慶生。
至於今日踏入31歲的Grace,前晚先與老公鄭嘉穎及好友龔嘉欣等開生日派對;昨晚兩姊弟則與陳爸爸食飯及切蛋糕慶祝,懶理被林作擺上枱。嘉穎昨晚出席主演新片《焚身》首映禮時,問林作挑機可有影響太太心情?他說:「點解會破壞心情,當事人都無受影響。(Grace無受影響?)無,我知道嘅全部都好正常。(Joyce嫌100萬太少?)呢啲係個人觀感。(林作搵母親加碼?)本人覺得佢(林作)目的係點,大家都好清楚,咁無聊嘅嘢,唔回應係最好嘅回應。你問我100次都係咁答,講一句佢又講十句,沒完沒了。(無風起浪?)大家自有觀感,一定唔會影響心情。」
轉載自: 晴報
WoW WoW星期三:2024最後一擊! (只限今天)► 火速行動