2022-04-07
半夜突指控Dear Jane主音老公Tim不忠 楊洛婷極速刪文︰玩大咗只係講笑
【晴報專訊】楊洛婷(Rabeea)與樂隊Dear Jane主音黃天翱(Tim)於14年結婚後,先後誕下大女Tanya及細仔Tristan Hart,兩公婆不時在社交網大曬恩愛,是圈中出名的模範夫妻。然而,昨日凌晨Rabeea突然在IG限時動態爆seed,指控老公Tim對自己「不忠」,但事後又極速刪文,引來網民熱議。不過Rabeea昨日聲稱自己「玩大咗」,推翻對Tim的控訴。
Tim在情人節送給老婆一束她最愛的向日葵。(資料圖片)
Rabeea和Tim相愛15年,婚後一直非常恩愛,去年Dear Jane在紅館開演唱會,Rabeea像小粉絲一樣舉燈牌支持老公,又在社交網發文示愛︰「老公,無論甚麼情況、處境,我還會選擇你。」言猶在耳,Rabeea昨日凌晨三時半左右,突然在IG限時動態以黑底白字留言︰「MY HUSBAND CHEATED ON ME(我老公對我不忠)!」並tag了Tim的IG帳戶。雖然她十多分鐘後即刪除,但網民已化身「圖夫」cap低該則限時動態,並以「Dear Jane主音Tim偷食」為題在討論區開post,不少網民加入討論「食花生」,大部分人都替Rabeea不值,表示「老婆咁正都偷食」、「真係妻不如妾,妾不如偷」。
Rabeea雖是兩孩之母,但身材依然火辣,備受網民讚賞。(黑白圖片)
Tim急急為老婆補鑊
不過,昨日本報向Rabeea求證,她即淡定回覆︰「Oh haha!無事,只係講笑,因為我個女成晚黐住我老公瞓。」原來Tim的「外遇」對象竟然是女兒Tanya。Rabeea又指老公知道她出了限時動態後,即提醒她此舉會令人誤會,她亦自覺「玩大咗」,所以馬上刪除。至於躺着也中槍的Tim,事後不忘替太太補鑊,他在限時動態轉發Rabeea的「指控」,並留言解釋︰「哎呀。唔好意思。我都係喺凌晨唔覺意攬住咗個女瞓着咗。跟住阿仔無敵大叫,我係我老婆都忟啦。所以,老婆,I love you,係真㗎。」
笑囡囡「最強電燈膽」
Tim與前世情人隔住口罩錫錫,令人睇到眼冤。
其實Rabeea「呷醋」早有前科,日前Rabeea在社交網貼出Tim抱實囡囡的相片,兩父女隔着口罩錫錫,Rabeea笑指囡囡是「最強電燈膽」,更扮「嬲豬」投訴︰「我老公本來打算同我一齊食pizza過二人世界,點知…輸咗畀佢嘅前世情人。」事實上,Rabeea和Tim多年來風雨同路,互相扶持;去年Rabeea自爆被舊公司強迫整容,因自己堅拒而被放進「雪櫃」,當時Tim曾向她派定心丸,表示會用所有能力去照顧她,令Rabeea感動不已。
Rabeea經常帶子女四出遊玩,享受親子時光。(資料圖片)
一家四口溫馨有愛,Rabeea不時出po大曬幸福生活。(資料圖片)
轉載自: 晴報
《說說心理話》【驚恐症來襲】無預警發作...患者親身講述得病經歷及康復過程!必要時自己做一件事可幫到手!► 即睇