新片演拳手 胡鴻鈞操肌練6嚿腹肌

　　【晴報專訊】最近男藝人掀起騷肌熱潮，向來沒有刻意騷肌的胡鴻鈞（Hubert）亦加入「露肉」行列。Hubert透露自己接拍了新電影，會飾演輕量級拳手，為了減磅操肌，Hubert在拍攝期間推卻所有朋友約會，每天只吃白烚雞胸肉及蛋白，最後成功練成六嚿腹肌。

Hubert希望繼續吃得清淡，以保持六嚿腹肌。

　　胡鴻鈞昨日到電台宣傳新歌，見Hubert明顯消瘦不少，他解釋道︰「我之前拍咗一部電影，要飾演一個輕量級拳手，所以要操肌同減磅。原本我有69公斤，但為咗角色減到60公斤，減磅過程都算『地獄式』，每日用三至四個鐘做運動，而且淨係可以食白烚雞胸肉同埋蛋白。（無晒朋友？）都係㗎，咪約少啲囉，不過由接拍到完成都只係個半月啫。」

新歌發放正能量

　　Hubert透露新片拍攝完畢後即打邊爐慶功，放肆地吃了很多油膩食物，但他笑言自己可能已適應吃得清淡，慶功翌日即肚瀉，「其實依家腸胃都仲有少少未適應，可能個天都想我食得健康啲。」Hubert為新片練成六嚿腹肌，他希望能一直保持身形，所以現在都吃得比較清淡，反倒健身教練提醒他應多吃一點，以助操出更健碩的身形。

Hubert在新歌《今天不營業》MV中，以一身偵探造型亮相，非常有型。（網上截圖）

　　另外，Hubert最近推出新歌《今天不營業》，是繼《整親》後，再度帶出正能量的歌曲。Hubert表示︰「可能依家好多負面聲音，但我要提醒自己永遠都要有正能量；間中都想自己頹下，始終人都會攰，畀自己休息就係為咗行更遠嘅路。」Hubert又認為做運動時可以清空腦袋，是很好的休息方法。

轉載自: 晴報

《說說心理話》身體唔舒服查唔到原因？周身痠痛疲累？可能係患有心身症！點解原生家庭會長時間影響一個人？點樣脫離循環？► 即睇