2021-06-28
《聲夢傳奇》孖周柏豪合唱 網民批中被Out Hugo︰希望大家繼續支持我
【晴報專訊】前晚無綫《聲夢傳奇》第六輪比賽,黃奕斌(Hugo)與導師周柏豪合唱《甘心替代你》,最終以一分之微敗給何晉樂(Rock)無得留低,無奈告別《聲夢》舞台。事後他獲柏豪在IG送暖,Hugo亦指學懂接納自己︰「今次係我人生中極之重要嘅一個選擇,一段經歷。」
21歲的Hugo與擔任拍檔的導師周柏豪選唱鄭伊健名曲《甘心替代你》出戰,他演繹時表現一般,柏豪更疑似走音。不過,Hugo這位小鮮肉高大靚仔,深得其餘女導師歡心。林欣彤大讚Hugo「台風好、身形高挑及靚仔」,直認姐姐睇得好開心。泳兒亦深表認同,更指柏豪、Hugo對望時甚有「情侶感覺」。李克勤則指歌曲的難度未必適合評判口味,似暗示Hugo揀錯歌。最後,Hugo與Rock同得11分,雙雙跌入危險區。25位大會評判再撳燈定生死,結果Rock以13盞燈險勝Hugo的12盞燈,最終被網民封為與周柏豪是「死亡之組」的Hugo慘被踢出局。Hugo在鏡頭前爆喊,不少網民激讚他是可造之材,呼籲無綫要與他簽約加以栽培。
Hugo與周柏豪合唱《甘心替代你》,卻被指歌曲欠難度。(網上截圖)
自認刻意chok樣呃like
Hugo力戰下仍未能更進一步,忍不住在舞台上流下男兒淚。(網上截圖)
昨午,Hugo發長文感謝各界支持︰「一眨眼,我已經比完賽,由短髮變成長髮再變返短髮,參加《聲夢傳奇》絕對可以話係我人生中極之重要嘅一個選擇,一段經歷。」他自言第一次召集唱《Dawn of us》時,很多看過的人都覺得那時他在chok樣︰「無錯,的確係咁,因為我心裏邊覺得人哋會鍾意我『幻想』中嘅自己,(你話韓仔look又好,點又好)而唔會喜歡真正的我,所以我小心翼翼地將real me收埋。」Hugo自言經過比賽後,打從心裏接納了內心的自己,亦學會擁抱自己。他又稱︰「想感謝嘅人實在太多了,我哋心照不宣!同埋好多人我都無IG,但又唔想漏低任何一個人,導師、粉絲固然要感謝,但每一位喺我哋背後為我們付出心力的人係我更加需要感謝,希望大家可以繼續支持我,呢個顏色不一樣的煙火。」
炎明熹姚焯菲大熱晉級
周柏豪(左)非常照顧Hugo,大讚他有深不可測的氣場。(IG截圖)
節目播出後,柏豪亦上載了與Hugo演出前練習的合照,並送上鼓勵︰「成功,是一個過程,在這個旅程中有時會有石頭扔向你,但你要把它們當作里程碑,不要讓你不能做的事,妨礙你能做的事。加油,Hugo!」盡見前輩風範。另外,前晚炎明熹(Gigi)與姚焯菲(Chantel)繼續大鬥法,前者與Aga(江海迦)合唱《命硬》獲全場最高分奪得23盞綠燈;而Chantel則與JW(王灝兒)合唱《矛盾一生》,獲18盞綠燈也順利晉級。
炎明熹試唱R&B版的《命硬》,有網民批評其表現未夠放鬆。(網上截圖)
轉載自: 晴報
【你點睇】當局擬放寬九龍東商業區土地用途,有議員認為應推廣至全港都開放些少,你是否認同?► 立即投票