2021-06-09
過分收埋自己令花姐激心 Ian爆MIRROR愈忙愈唔團結
【晴報專訊】人氣男團MIRROR出道兩年半,前晚12位鏡仔在ViuTV全新真人騷《調教你MIRROR》中,到梅窩宿營並接受梁祖堯(阿祖)的調教,吸引不少鏡粉追看;而今晚一集,經理人花姐(黃慧君)大爆陳卓賢(Ian)有性格缺陷,令「肉緊」他的花姐經常跟他吵架。
MIRROR今年第三首派台歌《BOSS》將於今天首播。
在前晚首播的節目中,MIRROR大清早便到碼頭集合,但隊長楊樂文(Lokman)、Ian及姜濤齊齊遲到,Lokman聲稱因塞車遲足20分鐘,令花姐大跌眼鏡。12子人人推住行李箱,唯獨Ian只孭一個背囊,他搞笑指擔心要攬住行李箱跑山,所以慎防有詐。
Ian要學懂表達自己內心感受,相信要一段時間調節。
至於今晚播出的一集將圍繞Ian,他坦言MIRROR並不如初成軍時般齊心︰「力量比起我哋成軍第一個演唱會薄弱咗。」他解釋︰「因為大家需要兼顧各自嘅工作,大家步伐唔一致。」花姐希望阿祖可以幫Ian「open up」(打開)自己,她直言Ian有幾個地方令她擔心︰「Ian令人覺得同佢有好大距離,呢個距離連我同佢都有,佢遇到問題或者唔開心都唔會講,好容易令人誤會。」花姐自爆經常跟Ian嘈交,阿祖亦覺得他太保護自己,有點難搞。
Anson Lo演出電影煞科
Anson Lo在電影《假冒女團》中與一班青春女演員合作。
另外,盧瀚霆(Anson Lo)演出的電影《假冒女團》日前煞科,Anson Lo與青春演員蘇皓兒、陳紫萱及Heidi@Super Girls影大合照留念,監製Charlie Wong大讚這班年輕演員在拍攝期間發揮所長,當中不乏唱得之輩,所以監製將安排他們合唱一首主題曲,未知Anson Lo可會是其中一員。
轉載自: 晴報
【你點睇】烏軍攻入俄國庫爾斯克州近兩周,並炸毀兩座重要橋樑,你認為俄烏戰爭會否急劇惡化?► 立即投票