激戰泰國拳王 譚俊彥為1集戲勁減22磅

　　【晴報專訊】譚俊彥與張振朗在新劇《拳王》演兄弟，二人昨日以fit爆姿態出席劇集拜神儀式。明顯瘦足兩個碼的譚俊彥，雖然只客串《拳王》一集戲份，但竟然為角色瘋狂減肥，由170磅激減至148磅，專業精神令振朗非常敬佩。

譚俊彥（左）操弗成功，連面頰都瘦削不少，獲張振朗大讚敬業。

　　譚俊彥及張振朗曾在劇集《包青天再起風雲》分別演「包青天」及「展昭」，提到在《拳王》再度合作，振朗說：「『包大人』今次係客串性質，戲份只係佔一集多啲。」譚俊彥剛拍完另一新劇《換命真相》，得知要拍《拳王》後，立即瘋狂操肌減磅：「我主要係同泰國拳王拍擂台戲，其實最重要係將自己啲脂肪整走，見到其他演員嘅肌肉，就會覺得自己都要好認真。」

譚俊彥在社交網大曬肌肉及人魚綫。（IG圖片）

　　振朗大讚譚俊彥激戰泰國拳王時，拳拳到肉，反應自然，令現場睇到嘩聲四起。譚俊彥亦笑言一眾演員通宵趕拍劇已相當疲累，但仍走進錄影廠看他的擂台戲，令他十分感動。「我拍完呢一場心情太high，凌晨三點幾返到屋企，忍唔住摷醒老婆，同佢分享興奮心情，難得老婆沒發脾氣，仲肯聽我講。」

張振朗等煞科歎麻辣火鍋

　　振朗表示劇中的擂台戲要拍足12日，目前只完成兩日戲，他大呻要忍口keep住身形最辛苦：「我要同好多人喺擂台對戰，見到第一日朱敏瀚拍完擂台戲，佢即刻食雪糕；許家傑拍完就食雞髀同魚柳包，我都好想快啲拍完，去食麻辣火鍋！」譚俊彥笑言自己拍完後只吃了兩隻雞蛋，沒有引誘振朗「破戒」，又希望疫情過後，一班《拳王》演員齊齊打邊爐慶祝。

轉載自: 晴報

樂本健【年度感謝祭】維柏健及natural Factors全線2件7折► 了解詳情