2024-04-25Text: Sammy Leung

母親節自助餐2024 | 帶媽媽食餐好！母親節Buffet推介：買二送一食生蠔蟹腳鵝肝 / 7折早鳥優惠飲滋補瑤柱螺頭燉花膠+椰汁雪燕 / 一位難求JW萬豪食南非鮑魚+送下午茶自助餐優惠券

#美食特集 #抵食 #生蠔 #著數優惠 #自助餐 #任食 #母親節2024 #海參 #花膠 #母親節 #優惠 #鮑魚

母親節自助餐│7. 8度海逸酒店：買二送一任食生蠔+鱈場蟹腳+煎鵝肝+麻辣鮑魚雞煲！仲可以優惠價參加甜品烘焙班

　　8度海逸酒店的8度餐廳2024年5月11至12日推出「感恩媽媽‧母親節海鮮自助晚餐」，一如以往8度餐廳繼續有每日2款空運到港的法國、美國或愛爾蘭即開新鮮生蠔，無限任食冰鎮海鮮仲有鱈場蟹腳、紐西蘭青口、海蝦及海螺等。刺身、壽司及前菜方面，會有即點即切的三文魚、鯛魚、阿根廷紅蝦、川味牛肚、麻辣牛肉、意式海鮮沙律。

　　不得不提的是自助餐設有現場即製專櫃，而煎鵝肝伴黑松露汁、脆皮乳鴿、佛跳牆都有，超正！熱葷必食麻辣鮑魚雞煲、麻辣小龍蝦、香草蒜蓉扒大蝦、避風塘椒鹽荷蘭比目魚、脆皮德國鹹豬手、燒牛肉、酸菜魚等。而母親節甜品專區，推介麻糬忌廉蛋糕、抹茶芒果卷及燕窩蒸蛋白、Mövenpick雪糕！

　　經酒店eShop預訂自助晚餐，成人仲會有買二送一連無限量供應餐酒，即是3人只需$1,651.4，大約一人$551。只要大家在2024年5月12日期間惠顧自助晚餐，每位媽媽可免費享精緻杯子蛋糕一份及可享優惠價$400參加二人甜品烘焙班，以親手製作蛋糕孝敬母親。另外，由2024年5月1日起，自助餐長者優惠年齡由65歲降低至60歲，大家要留意了！