【Sticker玩出禍】恥笑Sticker Send錯俾老闆！小薯竟然可以安全生還？

　　上文都提到互聯網嘅世界冇秘密，原本以為圍內先會用嘅低俗sticker，一個個咁返番去事主身邊。上司、老闆被玩，梗係大發雷霆，但問題係，「發」，都要有對象！而「科技恐龍」，或者本身就無知嘅上司唔知應該點樣做，先可以搵出真兇。結果，老闆為咗貪方便，就用左e-mail優雅地恐嚇大家：「有時間唔應該做啲無謂嘅野，應該努力進修自己，為公司投入更多專業。而年尾出花紅嘅日子即將來臨，人事部都喺度計緊數，希望今年嘅花紅可以為各位一整年種下嘅功過作出公平嘅分配。」

　　見到呢個莫須有嘅電郵，我哋呢班兇手梗係鬆一口氣，因為知道老闆捉唔到幕後搞鬼嘅我哋。其實，整sticker時改嘅名，都好明顯透露左兇手來自邊個部門，甚至創作者嘅英文名。只怪上司們實在太唔與時並進，忽略咗「名」呢個重要訊息，唔知眼前嘅我哋就係兇手。所以，老闆講得好啱！與其有時間嘅，不如進修下自己，起碼可以係成為箭靶嘅時候，向攻擊你嘅人還手。

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

【香港好去處】etnet全新頻道盛大推出！全港最齊盛事活動資訊盡在掌握！► 即睇

• 1
• 2