2017-12-29

80後窮小子揣1萬元闖韓變出逾億王國

人脈遍韓不怕對手抄蹺

　　當聽完大計後，記者不禁問他不怕報道出來後別人抄蹺嗎？「在韓國除我之外無人做到，因為佢哋無人脈，點解我咁自信？因我在韓國有好多人脈，佢哋都係上市公司的大老細，佢哋可以同我合作。同埋我有好高的說服能力，可以說服建築商，將呢個盤放畀我（做），我唔相信任何一個港人可以做到。」自信滿滿的Ronny亦難得坦白，說提出點子來是想試水溫。

　　在出走的十多個年頭以來，香港經歷過沙氏，也走過董建華、梁振英管治年代，Ronny坦言這些年來沒有與港人一同經歷。「呢17年入面，我的集體回憶係同韓國人。由三星推出500元韓圜下載一首歌，我躲在被窩裏聽，每個時代唱的歌，邊個時候少女時代出緊邊一隻歌，我和現在（韓國）商業拍檔都有共鳴；四五十歲的前輩係睇香港電影大，我可以講到韓國和香港的共通話題，如周潤發點樣攞住槍咬住枝牙籤都可以講到出嚟，在商業上我覺得呢一樣嘢好重要，唔係淨係講生意，而係大家啱唔啱傾。」他娓娓道出與韓商難得的友情歲月，也凸顯他生意路上的人脈網絡。

全租

　　租客要先付一筆費（費用多數是樓價80%），不用交月租，業主則於租約期內利用這大筆錢存入銀行收息或另作投資，而租客在約滿後可全額取回該筆資金。

月租

　　租客先付一筆保證金，一般約數十萬港元，然後再每月交租，但租金不會貴，租客亦可於約滿後取回全額保證金。

投資韓國樓Q&A

Q1.如買韓國樓入場費多少？

　　A1.韓國樓有好多種，有獨立屋、Villa（三、四層高）、商住兩用的Officetel、Apartment和重新開發韓屋等。入場費多少要看地區和單位面積，以江南區為例，最平由2億至70億韓圜（約140萬港元至4,900萬港元）也有。

Q2.香港人能夠在韓國銀行借貸買樓嗎？

　　A2.可以，但和韓國人一樣，也有信貸評級。Apartment可借七成，其他可借五成。

Q3.投資哪區物業較好？

　　A3.視乎是做短期或長期投資，如果付了首期，期他錢貸由租客支付的話，可以投資首爾附近新區 ;但如改装月租公寓，當然選擇在市區。

Q4.韓國樓升值潛力如何？