08/11/2018
俄羅斯攻略：坐西伯利亞鐵路遊莫斯科— Top 5 打卡位 「任何人」影都靚！
萬眾期待，《西伯利亞鐵路系列》開始啦！我由希臘坐車返香港，穿梭巴爾幹半島後，殺上俄羅斯，展開一個月的西伯利亞鐵路之旅，由西向東，玩盡 5個俄羅斯城市：莫斯科、聖彼德堡、喀山、貝加爾湖、烏蘭烏德，再抵達蒙古。
第一站，首先介紹，俄羅斯首都莫斯科，5個最佳打卡靚位，「任何人」都留得住最美一刻！
1/ 頭號打卡位 － 聖巴素教堂
倫敦有大笨鐘、巴黎有鐵塔，莫斯科頭號打卡位，肯肯定是聖巴素教堂，屬俄羅斯東正教（俄羅斯第一大宗教）。在東歐，當你見到「洋葱頭、七彩繽紛、金碧輝煌」的建築，很大機會，它就是東正教教堂！
貴為頭號打卡位，唔駛問，肯肯定人山人海！想影一張人靚、景靚，而且無路人甲乙丙丁戊的相片？不妨試試以下方法：
方法一：以我觀察，教堂正面，長期逼滿遊客。懶得晨咁早出發，或者無耐性等到無人為止的朋友，可以轉攻教堂背面，同樣拍到七彩繽紛洋葱頭，但遊人少一半，起碼係「可等 able」。俾啲耐性，不難捕捉完全無人的 moments。由於近距離，用廣角鏡，有你有我、有天有地、有教堂有氣勢！（Go Pro – Super wide mode）
方法二：又或者行遠少少，由旅遊巴士停車場，用人像鏡攝影，七彩繽紛教堂當景深，畫面更加乾淨聚焦。（Canon M5 – 50mm 1.8L 1/160 ISO100）
教堂前旅遊巴士停車場，巧妙找位置，就能避過街邊太多人與車。
不過，到訪當日，有點黯然，因為聽到幾個遊客，一邊舉機，一邊用輕佻的語氣、純正的廣東話說：「呢個教堂有咩咁特別姐？」「唔駛理啦！總之人人都影，你咪影囉！」以上為真實對白！我們未必要飽讀中外通史，但旅行時，以至基本地作為人類時，打卡之餘，保持熱情、好奇心、尊重和欣賞，對身心必有裨益。
地址：St. Basil’s Cathedral Red Square Moscow 109012
俄文地址：Храм базилический собор Красная пл Москва 109012
《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。
【你點睇】特朗普勝出美國總統大選，你點睇未來數年的世界局勢？你認為中美關係前景會如何？► 立即投票
