【晴報專訊】許志安（安仔）昨午被傳媒公開他與馬國明女友黃心穎在車廂內攬錫的偷拍短片，消息震撼全港，昨晚安仔現身回應事件，他喊住向太太Sammi致歉，並稱︰「我起咗色心，做了一件不被原諒嘅事，覺得好丟臉、好噁心！」

　　今年是安仔與Sammi結婚六周年，昨午竟爆出「安心偷食」的車廂短片。片段中，黃心穎多次主動攬錫安仔，二人多次連環激咀，之後齊齊在女方居住的鯉魚門落車。由於偷食事件花生味濃，極速發酵成為熱門話題，不少網民爭相改圖揶揄一對偷情男女，就連九巴、家具公司及旅遊預訂網站亦先後在FB出Po抽水。

宣布停工再學做人

安仔昨晚在記招上痛哭流淚，更兩次鞠躬謝罪。

　　男主角安仔經過半日沉澱，昨晚現身銅鑼灣某酒店為事件回應，吸引過百傳媒採訪。一臉愁容的安仔，先是90度鞠躬致歉，他發言時臉容憔悴︰「我做咗一件不可彌補、不被原諒嘅事，而呢個錯令我深深咁去反思自己，我係一個醜惡嘅人，所以今日嚟到呢度，我係想承擔我嘅責任。」

心穎和安仔本月三日一同出席友人生日飯局，兩人的服飾與車廂短片中的一樣。

　　安仔又指事發當晚喝了很多酒，但直言醉酒並非藉口︰「睇報道後覺得自己好丟臉、好錯、好討厭、好噁心！深刻反思點解唔可以控制自己去犯呢個錯誤，起咗色心！」又透露現時開始暫停工作，重新審視自己學做人。安仔又誠心向太太謝罪︰「對唔住Sammi，唔知以後點行自己嘅路，我係壞咗嘅人，希望大家畀時間我搵番自己，我同所有愛我嘅人，講聲對唔住。」記者會全長約七分鐘，安仔臨離開時再次90度鞠躬達五秒，盡見悔意。

安仔昨晚在記招上痛哭流淚，更兩次鞠躬謝罪。

　　此外，太陽娛樂董事總經理黃柏高昨晚陪同安仔出席記者會，他亦特別發聲明，指安仔身為公眾人物要為自己的行為負責，公司立場即時暫停他所有工作。

傳心穎劇集被抽起

去年11月，Sammi曾在社交網上載與黃心穎一起做gym的片段，還大讚她「標準穎」。

　　其實，上月Sammi孖住安仔參與親友喜宴，二人身為長輩被一對新人斟茶，當時Sammi在IG分享維繫婚姻的秘訣︰「彼此之間的愛滋潤婚姻，每個階段也是終生學習，沒有捷徑，一步一步經歷才能真正體現一步一生的幸福。」豈料昨日卻驚爆安仔出軌，實在令人唏嘘。

安仔和心穎去年十月在《星光熠熠耀保良》中拖手合唱《會過去的》。（電視截圖）

　　至於事件女主角黃心穎，直至截稿前仍然「潛水」，未有任何回應。而她有份主演的劇集《堅離地愛堅離地》原定下月13日緊接《鐵探》播出，有傳無綫見其形象插水，已打算抽起劇集。至於心穎男友馬國明正趕拍劇集《降魔的2.0》，昨午他在微博Po開工相，並留言︰「努力工作」。

馬明昨日傍晚透過經理人回覆心穎和安仔車廂激咀事件時表示︰「無回應。」