昨日(13日)收市之後大隻佬騰訊(00700)終於公布業績，截至今年9月底止第三季業績，純利532.3億元人民幣，按年升47%、按季增12%；每股基本盈利5.762元人民幣。

　　呢個業績叫唔叫滿意？博客覺得，可以接受啦，係今時今日呢個環境，成個中國都講緊降級消費情況下，都仲可以維持一個咁大增長，證明經濟周期差而娛樂消費會增長呢個理論係正確的。

　　值得關注係，騰訊係業績報告中指出，今年第三季以總代價約359億元購回合共9489.74萬股股份。購回的股份其後已被註銷。即係話，公司股價仲KEEP到400蚊，並唔係因為佢值得400蚊，純粹係公司用現金托住呢個價，其實戰略上都需要咁做，需知道騰訊作為港股火車頭，假如唔托只會愈跌愈有，對公司長遠或者融資方面都有障礙。

　　點解出左業績，散戶/大戶好似都唔太買帳？博客覺得，純粹係心理作祟，中美關係似乎未處理好，其實就算騰訊業績幾好，分分鐘買完第日又坐係到，所以400蚊呢個價係咪值得入手，博客覺得仲有商榷空間，或者繼續觀望下就好。

　　畢竟呢種大隻佬，已經係港股縱橫十幾年，要想再點大升都有點難度；但如果你話係資產負債表要有一兩隻大龍頭擺係倉，而家都算係一個唔錯入手機會啦。

《編者按》本欄搜羅即市傳聞，惟消息未經證實，《經濟通》亦不保證內容之準確性。

【你點睇？】民主派初選案，45名罪成被告判囚4年2個月至10年不等，你認為判刑是否具阻嚇作用？► 立即投票