《MakeMoney》投資柴犬幣教學，年尾推出自家區塊鏈？

　　之前我地都有介紹過柴犬幣嘅Shibaswap可以做類似定期嘅玩法，但原來好多人都唔係好識點買柴犬幣！唔緊要，MakeMoney會同大家做個詳細攻略，捉住手仔咁教你點買柴犬幣！另外，據官方人員早前表示，原來呢隻幣年尾會有個大更新！想知係咩就要睇睇我地今日呢篇文啦

 

 

常見買入柴犬幣的三種方法

 

幣安：

　　普遍人都會選擇係幣安買賣柴狗幣，因為方便快捷，出入金亦都較為容易。目前香港區信用卡已經封鎖左幣安買幣呢個方法，所以如果想係幣安炒Coin，開戶之後就要去C2C買USDT(泰達幣），所謂C2C即係類似找換商嘅角色，由投資者自行同找換商兌換法幣或虛幣，記得搵一啲交易成功率較高嘅商店進行找換，比較有保證。

 

　　當成功兌換到USDT之後，就可以去交易場打返柴犬幣個Code（即Shib），搵返係Shib/USDT，之後就可以搵個心水目標價買入賣出啦！

 

Coinbase：

　　另外一個懶人做法，就係可以直接申請一個Coinbase App帳戶．然後輸入自己張信用卡買入柴犬幣，而個App都好User Friendly，只要你識上網買嘢就自然識點樣點樣用信用卡碌啲柴犬幣返嚟。

 

　　不過呢個方法都有代價㗎！首先Coinbase App係一個類似加密貨幣販賣商嘅角色，所以向佢買任何幣都會有一定溢價；其次就係如果你想出金，就要先換返穩定幣（USDT）或者主流加密貨幣（如BTC或者ETH），先會有找換店幫你兌換，而兌換方法就一係搵實體店幫你出金，一係就射返上幣安搵C2C買賣，但呢個動作就要收返你以太幣作為燃料費（Gas Fee），所以要搵C2C出金就先要買定Eth先啦！

 

Uniswap/Shibaswap：

 

 

　　其實放係自己電子錢包就最穩陣，所以唔少人都選擇呢種方式，就係去一啲去中心化交易平台（Defi）進行兌換，雖然手續繁複而且手續費略貴，但起碼可以買個安心！

 

　　方法係先開一個電子錢包，然後用自己嘅方法買以太幣（可以係幣安C2C/Coibase碌信用卡購買）再入落電子錢包，電子錢包可以選擇Coinbase Wallet/Metamask Wallet，之後就可以上Uniswap/Shibaswap，然後掃描佢嘅連接QR CODE，用自己錢包掃描之後，再點選「Swap」用ETH兌換SHIB就可以買到啦!然後柴犬幣就會放返入你自己個錢包。

 

　　由於柴犬幣係一個使用以太坊合約嘅幣種，所以當中嘅交易都需要以太幣支付燃料費（即手續費），所以先兌換以太幣再去換柴犬幣就萬無一失啦！

 

柴犬幣下個月或有重大消息公布，推出自己區塊鏈？

 

　　其實認真做下功課就知道柴犬幣已經脫離迷因幣（Meme Coin）好耐，因為佢已經開發緊自己嘅區塊鏈啦！據其項目經理係自己嘅博客上表示，柴犬幣第一階段已經完成，目前進行第二階段，其中就係開發自己嘅區塊鏈「Shibarium」據指將係今年年尾推出，目前進行測試階段，第日Bone幣就係呢個區塊鏈嘅原生代幣。

 

　　另外，柴犬幣亦會發行自己嘅穩定幣「Shi」，每個價值為0.01美元，與Leash為兌換比；同埋已經推出左嘅SHIBANET，當中出售嘅NFT已經係辦個鐘頭內售罄。柴犬幣已經慢慢發展出自己嘅生態圈，第日會唔會真係變一美金一粒柴犬幣呢？真係拭目以待啦！

 

撰文：李皆穎

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

樂本健【年度感謝祭】維柏健及natural Factors全線2件7折► 了解詳情