2020-09-25
《Make Money》你要買Tesla股票的三個理由
「正股驚鬼咩」呢個口號經常喺連登及一眾散戶之間流傳,唔知揸大象(00005)正股嘅一眾粉絲,有無咁強信念呢?當大家以為一般散戶剩係識玩港股,唔少人其實已經投奔美股懷抱,特別係Tesla(特斯拉),近期股價真係高潮迭起,究竟有咩令到散戶意念咁堅持?係「愛」定「責任」呢?今日就同大家分係下買Tesla股票嘅三個理由!
(Shutterstock圖片)
電動車龍頭,未來有望降價谷銷量
(Shutterstock圖片)
講起電動車,真係未有邊間汽車製造商可以超越到Tesla,買得Tesla主要貪佢兩樣好:電池續航力同速度感。不過,Tesla價錢從來都唔親民,以香港Model S計算,一手車落地分分鐘都過百萬,就算二手都要三、四十萬,非一般人能夠負擔。
所以早幾日Tesla電池展已經講到明,未來公司將會開始自製電池,務求可以降低成本令車價下調,希望可以十幾萬港紙都有交易!Tesla肯降價,就梗係車迷福音,因為低端電動車係一片大片紅海市場,亦都係銷量提升的來源,間接刺激股價!
汽車進入科幻時代,Cybertruck預定超過60萬架
(Shutterstock圖片)
Tesla另一個創舉,就係令汽車進入新時代!講緊嘅唔單單係電動車,而係車嘅外型都令人感到驚喜!最近車迷成日都討論科幻味十足嘅Cybertruck!單睇外型就覺得好似拍緊《回到過去》劇情咁款!首席執行長馬斯克透露,由去年年尾推出預訂到而家,已經收到60萬架嘅Order,不過目前每年產量最多盈應付到25萬至30萬架。
呢架車有咩咁架勢堂?除咗用上不鏽鋼超硬物料,更以防彈玻璃設計,9mm子彈打唔入,不過當時馬斯克做示範嗰陣,快玻璃就爛咗……Any肥,有分析指呢架車有機會成為Tesla第二收入來源之一,皆因呢個咁有型嘅劃時代產品未見有對手出現,齋做獨市生意的話,收Cash都收到手軟!
軟件收入未來成趨勢,自動駕駛香港Work唔Work?
(Shutterstock圖片)
科技公司賺到你盡,賣個Product畀你仲要你科金先可以解鎖軟件功能,唔係你買架車都得物無所用,真係好邪惡啊!好似Tesla獨有自動駕駛(FSD)軟件組合已經加價到8000美元;馬斯克預計,當呢套軟件功能推出越多,並符合建管當局要求,價格可能超過10萬美元都唔一定。
不過呢,自動駕駛目前係香港就唔允許,而香港版Tesla都係得巡航控制、自動輔助轉向為主,所以香港玩家應該唔使課金住,但單單呢點「賺到盡」嘅概念,唔知其他車廠又會唔會跟隨呢?不過就肯定投資者心心眼啦,因為過去一年全部車廠都錄得負增長時,只係得Tesla維持近兩成盈利增長,呢個亦都係投資者點解肯Strong Hold原因!
年青的你,暫時買唔到Tesla架車,係咪都要買佢嘅股票呢?!
撰文:李皆穎
《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。
【你點睇】有健身中心宣布全線暫時結業,議員指巨額預繳式長約並不合理,你日後若「入會」會更留意邊方面?► 立即投票