嚟緊周末就係立法會選舉民主派嘅初選，全港各區都有唔少泛民設立嘅票站畀「合資格」選民投票，以決定嚟緊9月佢地嘅出戰名單，避免內鬥好似上屆咁輸咗幾個無謂嘅議席。

　　泛民催谷初選非常落力，Tina出街都見到唔少街站宣傳，但好老實咁講，今次初選真係幾冷淡，之前搞眾籌已經唔達標，網絡所見亦都做唔起個勢。以2019年區議會總投票人數294萬計算，當中164萬投畀泛民候選人，得票率6成左右；呢164萬用選票踢走建制派嘅選民，泛民人士私底下估算，有一半人約80萬投票已經係非常好成績，但可能最終條數遠低於此，後生泛民支持者個個支持無大台，我明白佢地嘅想法，但面對協調能力超卓嘅建制選舉機器，唔透過協商去選，想贏嘅機會接近零，真係希望年輕選民可以放下歧見，齊心打好呢場仗。

　　面對民主派初選似乎遇上意想唔到嘅冷鋒，建制派就有唔同睇法。有上屆區議會輸咗嘅區佬認為，今次冷鋒只不過係初選難聚氣氛，縱使泛民支持者大多反對國安法，但國安法都已經米已成炊，選民都係會面對現實，初選只不過係睇下邊個入閘避免同路人

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

【你點睇】陳美寶、羅淑佩分別被任命為運物局及文體旅局局長，你是否認同新任命有助香港鞏固物流樞紐地位及促進旅遊經濟？► 立即投票