去Staycation即慳500元？最快4月9日申請「賞你住」！邊幾間五星級酒店最多人搶？（附參與酒店名單）

　　疫情下，Staycation變成外遊替代品！不過想在酒店chill住歎一兩晚，閒閒哋都要兩三千蚊！好在旅遊發展局早前宣布推出「賞你住」活動，憑$800消費收據可換領$500酒店住宿折扣，變相資助大家去Staycation，最快4月9日就可以申請和入住！復活節儲下大量消費收據未丟掉？可以派上用場啦！

 

（截圖自「賞你住」網站）

 

　　「賞你住」活動名額限20,000個，由4月9日上午10時起，大家可憑最多兩張合共$800的實體店消費收據，直接向酒店訂房，並於4月9日至5月31日期間入住一晚或連續兩晚，即可於住宿賬單中扣除$500，非常抵！參與是次活動的酒店多達140間（參與酒店名單），當中更包括不少知名的五星級酒店！住邊間好？麗思卡爾頓酒店有90度海景角落打卡位，四季酒店就有24米長Infinity Pool，還有文華東方酒店、奕居、K11 ARTUS……間間賣點都不同！好難揀！可以輪著去住嗎？

 

1.香港麗思卡爾頓酒店（The Ritz-Carlton）：人人都愛的90度海景角落打卡位！

 

　　香港的The Ritz-Carlton作為全球最高的酒店，所有客房均設於103至118層，望出去無遮無擋，景觀超級開揚！難得有機會平$500入住，當然要揀「角落海景房」啦！站在90度落地大玻璃窗前，可以飽覽維多利亞港海景、中環及尖沙咀等地區繁榮景象，打卡絕對一流！怪不得能吸引不少藝人、KOL特意前來Staycation！

 

（圖源：香港麗思卡爾頓酒店）

 

2.香港四季酒店（Four Seasons Hotel Hong Kong）：聽住音樂暢游Infinity Pool！

 

　　想在香港都可以歎無邊際Infinity Pool，一定要去香港四季酒店！24米長的Infinity Pool，不但設有恒溫功能，無論天涼天熱都可以舒適游泳，更設有水底音響系統，盡享邊游水邊聽歌雙重享受！累了嗎？泡在水裏眺望尖沙咀海旁景色，也好感受城市裏難得的一片休閒寧靜！渡假感覺爆燈！

 

（圖源：香港四季酒店）

 

3.香港文華東方酒店（Mandarin Oriental Hong Kong）：浸住浴欣賞維港夜景！

 

　　多年來榮膺多項國際大獎的香港文華東方酒店，堪稱世上最佳當代奢華酒店之一，由裝修設計，到客房體驗、餐飲服務，都是一流！不過要數最奢華、最chill的體驗，一定是在海景套房浸泡特大浴缸，可以一邊享受浸浴放鬆身心，一邊眺望維港海景，實在是難能可貴的享受！

 

（圖源：香港文華東方酒店）

 

4.奕居（The Upper House）：召按摩師上房推拿最爽！

 

　　私隱度極高的The Upper House，是BIGBANG、碧咸等明星名人來港時的指定入住酒店！其中Studio 70、Studio 80城景房（其中Studio 70更是由香港著名建築師兼室內設計師傅厚民設計），勝在裝修簡練整潔，予人放鬆感覺！最特別的是，浴室擺設了砂石雕塑，配以巨大的石灰岩浴缸，同樣可以一邊浸浴，一邊欣賞繁華城景或寧靜山景；然後再請按摩師到房內進行按摩療程，絕對是五星級的貼心享受！

 

（圖源：奕居）

 

5.K11 ARTUS：感受無處不在的藝術氣息！

 

　　如果你喜歡藝術，除了到博物館欣賞名畫外，還可以去K11 ARTUS住一兩晚！皆因酒店不但鄰近香港藝術館及文化中心，可隨時走訪參觀；亦設有自家藝術館，展示明清時期中國傳統工藝品，讓住客隨意選購，酒店更會把1%售房收益將捐贈予K11 Craft & Guild Foundation，以支持及扶植更多工藝匠人，承傳活化瀕臨失傳的精緻中國工藝，非常有意義！

 

（圖源：K11 ARTUS）

 

下頁睇「參與酒店名單」

即check有無你心水酒店！

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【你點睇？】皇馬巴塞傳奇表演賽爆簽名會風波，26人買涉$20萬套票僅見部份球星15分鐘，你認為事件哪方須負較大責任？► 立即投票

• 1
• 2