2022-07-14Text: Yan ChungPhoto: 由作者提供
榴槤控召集!馬來西亞樹上熟榴槤來襲!4個任食好去處:農莊90分鐘狂食即開老樹貓山王/榴槤山打卡/榴槤Brunch食神秘品種/自助餐勁正榴槤甜品
【榴槤放題】3.榴槤王子主理!榴槤自助早午餐:食5個矜貴榴槤品種 + 榴槤鹹甜點—唯港薈
講到榴槤,不得不提Hotel Icon唯港薈。今年,唯港薈再度舉行榴槤迷最期待的美食盛事—「第四屆唯港薈馬來西亞榴槤節2022」。由7月30日起,於指定星期五至日,酒店一樓Sliverbox宴會廳將舉行11場榴槤自助早午餐!擁有「榴槤王子」之稱的酒店行政總廚何偉誠師傅(Danny),嚴選其家鄉馬來西亞時令榴槤品種,創出十多款榴槤熱葷及甜點,將榴槤的濃郁霸道香氣和綿密口感發揮至淋漓盡致。加上一系列星馬泰美食,必定大滿足!
由擁有「榴槤王子」之稱的酒店行政總Danny主持馬來西亞榴槤節,榴槤品質一定有信心保證。
榴槤節早午餐由新鮮榴槤、冷盤、熱盤到甜品,全部充滿榴槤飄香,極之吸引。
享用榴槤自助早午餐的客人每位可品嘗一份有5款不同品種的馬來西亞榴槤果肉拼盤(小童2款),Danny根據榴槤的顏色、香氣及甜度嚴選後,再直送香港,個個金黃飽滿、香濃軟糯,如D197貓山王、高山XO、D163葫蘆和產量較少的D88小甜甜。另外,Danny透露,當中還有來自柔佛洲並首次引入香港的神秘品種,榴槤控不可錯過。
馬來西亞榴槤果肉拼盤隻隻金黃飽滿、香濃軟糯。
至於熱盤,還有貓山王榴槤鮑魚紅棗白玉銀耳燉湯、貓山果王沙律黃金玉帶、D24榴槤酥烤紫菜糯米雞卷、避風塘榴槤豆腐、榴槤絲排骨和榴槤麥皮蝦等等,認真佩服兩位主廚Kevin Lee和Raymond Fung的創意和廚藝。而甜品則有榴槤糯米飯、榴槤芝士餅、榴槤班蘭卷等,全部以貓山王製成。想平衡一下口味,還有泰式海鮮冬蔭功、福建肉骨茶、海南雞飯和檳城喇沙等東南亞美食。
榴槤黃金麥皮蝦將榴槤結合南洋經典,霸氣香口之選。
貓山王榴槤鮑魚紅棗白玉銀耳燉湯火喉十足,單聽名字也覺得補身。
最精彩還有Danny會於每一場早午餐擔任星級司儀,介紹馬來西亞榴槤特色之餘,更會即場舉行大抽獎。禮物包括唯港薈免費住宿、餐飲禮券、原個新鮮榴槤等等,令榴槤節氣氛更加高漲。
「第四屆唯港薈馬來西亞榴槤節2022」
供應日期及時間:7月30(六)、31日(日),8月5日(五)、12日(五)、13日(六)、14日(日)、20日(六)、26日(五),9月2日(五)、3日(六)、4日(日);11:45am-3pm
價錢:$858/成人、$538/小童,另收加一服務費
唯港薈Silverbox宴會廳
地址:尖沙咀科學館道17號唯港薈1樓
電話:3400 1388
《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。
《說說心理話》運動員強大心理質素如何煉成?張小倫分享最挫敗經歷,及後怎樣重整旗鼓?► 即睇